ઇન્ડિયન ઓઇલ કોર્પોરેશન લિમિટેડ (આઇઓસીએલ) ભારતની સૌથી વિશાળ અને સૌથી વિશ્વસનીય ઊર્જા કંપનીઓમાંની એક છે.

ઇન્ડિયન ઓઇલની સ્થાપના ૧૯૬૯માં થઈ. છેક ત્યારથી કંપની ભારતને ઊર્જાની દૃષ્ટિએ સક્ષમ અને સલામત બનાવવા માટે અત્યંત નોંધપાત્ર યોગદાન આપી રહી છે.

કંપની ઓઇલ રિફાઇનિંગ, પાઇપલાઇન તથા અન્ય રીતે ઓઇલના ટ્રાન્સોપોર્ટેશન, માર્કેટિંગ તથા પેટ્રોલિયમ અને કુદરતી ગેસના ભંડારની શોધ જેવા વિવિધ ક્ષેત્રોમાં કાર્યરત છે.

ઇન્ડિયન ઓઇલ કંપની ભારતમાં પેટ્રોલ અને ડિઝલ સ્ટેશન્સના સૌથી વિશાળ નેટવર્કનું સંચાલન કરે છે. આ સ્ટેશન્સ દ્વારા કંપની દરરોજ કરોડો ગ્રાહકોની સેવા કરે છે.

ઇન્ડિયન ઓઇલ ભારતની સૌથી વિશ્વસનિય લિક્વિફાઇડ પેટ્રોલિયમ ગેસ (એલપીજી)ની સેવાઓ પૂરી પાડતી ઇન્ડેન ગેસની મુખ્ય કંપની છે.